blogberlin

Багийн түүхэн хөгжлийн товч: 1992-1993 оны хичээлийн жилд КТМС-ийн бүрэлдэхүүнд “үйлдлийн судалгааны  тэнхим”  нэртэй байгуулагдаж, эрхлэгчээр нь Б. Пүрэв-Очир ажилласан. 2001-2002 оны хичээлийн жилээс ШУТИС профессорын багийн системд шилжсэнтэй уялдан “Эконометрик, үйлдлийн судалгааны баг” болон шинэчлэн зохион байгуулагдаж, эдийн засаг-санхүүгийн багийн  профессор Ц. Далай, компьютерийн програм хангамжийн багийн профессор Ю. Намсрай нар хавсран ажиллаж  байсан. 2004 оны 2-р сараас  Я. Базарсад багийн профессороор, 2007 оноос тэгүүлэх профессороор ажиллаж байна.

Багийн бүрэлдэхүүн:

• Тэргүүлэх профессор: доктор (Ph.D), дэд профессор Я. Базарсад
• Зөвлөх профессор: доктор (Sc.D), профессор Р. Энхбат
• Дэд профессор,  магистр П.Доржнаран
• Ахлах багш,  магистр Д. Цэцэгээ
• Ахлах багш,  магистр В. Батзориг
• Ахлах багш,  магистр Я. Лутбат
• Ахлах багш,  магистр У. Дэлгэрсайхан
• Ахлах багш,  магистр Л. Батаа
• Багш:             магистр М. Банзрагч
• Гэрээт багш,   магистр С .Буянчуулган

Сургалт: Программ хангамж, менежментийн салбарын оюутнуудад боловсролын болон мэргэжлийн суурь хичээлүүд, мэргэжлийн салбарын захиалгаар зарим мэргэшүүлэх хичээлүүдээр математик сургалт явуулж,  инженерийн мэргэжилтэй боловсон хүчинд зайлшгүй шаардлагатай математик аппарат, онол арга зүйн мэдлэг олгох, улмаар эзэмшсэн арга ойлголтуудаа өөрийн мэргэжил болон практикт хэрэглэх дадлага суулгах, бодит амьдралын тодорхой процессийн математик загвар зохиож, томьёоны хэл дээр хөрвүүлэн, түүнийг шийдэх аргаа сонгон авч үр дүнд нь задлан шинжилгээ хийх  зэрэг судалгааны аргын суурь мэдэгдэхүүнтэй болгох нэгдмэл зорилгын дор үйл ажиллагаагаа явуулж байна. Хичээлийн агуулга, хичээл хоорондын уялдаа холбоог боловсронгуй болгох, компьютерт тулгуурласан сургалт явуулах, оюутны мэдлэгийг электрон тестээр шалгах,  E- сургалт явуулах, сурах бичиг гарын авлагын хангамжийг нэмэгдүүлэх, чиглэлд  түлхүү анхааран ажиллаж байна.

2009 оноос "Эконометрик үйлдлийн судалгаа" мэргэжлээр мастерийн сургалт явуулж эхлээд байна.

Эрдэм шинжилгээ, судалгааны ажлын чиглэл:

• Эконометрикийн арга, загварууд
• Хугацааны цувааны шинжилгээ
• Нийтийн үйлчилгээний систем, тоглоомын онол
• Оновчлол, гүдгэр программчлал
• Стохастик загвар, стохастик процесс
• Soft computing, fuzzy logic
• Нейронуудын  сүлжээ
• Бодит хугацааны системийн загварчлал